გიორგი ტყემალაძე - „ნაციონალურ მოძრაობას“ შოუს მოწყობის და სხდომის ჩაშლის მცდელობა ჰქონდა, მაგრამ არ გამოუვიდა

თბილისის საკრებულოს სხდომაზე, საკრებულოს თავმჯდომარემ გიორგი ტყემალაძემ დღეს მიმდინარე პროცესებთან დაკავშირებით განცხადება გააკეთა. საკრებულოს თავმჯდომარის განცხადებით, ე.წ. ბოქლომების დადების აქციების მომსწრეა საზოგადოება, რაც ღიმილისმომგვრელია.

„დღეს დილიდან გარკვეული ე.წ. ბოქლომის დადების აქციები მიმდინარეობს, რაც გარკვეულწილად ღიმილისმომგვრელია. საკრებულოში, სხდომათა დარბაზში ჩვენს კოლეგას „ნაციონალური მოძრაობიდან“ შოუს მოწყობის და სხდომის ჩაშლის მცდელობა ჰქონდა, მაგრამ არ გამოუვიდა, რადგან ჩვენ გვაქვს ძალიან დიდი პასუხისმგებლობა. მიმდინარე წელს დედაქალაქში ჩვენ საკმაოდ მასშტაბური ღონისძიებები და პროექტები განვახორციელეთ და ვახორციელებთ. მომავალი წლის ბიუჯეტით ძალიან ამბიციური გეგმები გვაქვს განსაზღვრული, რომელსაც დღეს ვიხილავთ. ეს გადაწყვეტილებები მნიშვნელოვანია ჩვენი თანამოქალაქეებისთვის. ასე რომ, ჩვენ სამუშაო რეჟიმს ვაგრძელებთ,“- განაცხადა საკრებულოს თავმჯდომარემ.

გიორგი ტყემალაძემ „ნაციონალური მოძრაობის“ წევრი ლევან ხაბეიშვილი ცრუ ინფორმაციის გავრცელებაში დაადანაშაულა. მისი განცხადებით, ოპოზიციის წარმომადგენელმა იცრუა პირდაპირ ეთერში, როდესაც განაცხადა, რომ საკრებულოში ადამიანთან გარკვეული ჯგუფი არ შეუშვეს. საკრებულოს თავმჯდომარის თქმით, ეს ფაქტი კიდევ ერთხელ მიუთითეს, რომ „ნაციონალურ მოძრაობას“ შოუს და სპექტაკლის დადგმა სურდა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება