საკრებულოს სხდომა ხმაურის ფონზე დაიწყო

საკრებულოს სხდომა ხმაურის ფონზე დაიწყო. მას შემდეგ, რაც საკრებულოს თავმჯდომარემ, გიორგი ტყემალაძემ განაცხადა, რომ საკრებულოს წევრი „ნაციონალური მოძრაობიდან", ლევან ხაბეიშვილი უსაფუძვლოდ აცხადებდა, რომ მას არ უშვებდნენ საკრებულოში გარკვეულ ჯგუფთან შეხვედრაზე, ამას ლევან ხაბეიშვილი გამოეხმაურა და აღნიშნა, რომ გიორგი ტყემალაძე იტყუებოდა, რადგან იმ 25 წევრიდან, ვინც ხაბეიშვილს უნდა შეხვედროდა, ერთი წევრი არ შემოუშვეს.

„პირდაპირ ეთერში, ლევან ხაბეიშვილმა განაცხადა, რომ თითქოს საკრებულოს შენობაში არ ეძლევა საშუალება შემოსვლის გარკვეული ადამიანების ჯგუფს. მე მინდა გითხრათ, ჩვენ ნამდვილად მივიღეთ წერილი ლევან ხაბეიშვილის, რის მიხედვითაც ის ითხოვდა 25 ადამიანთან ერთად სამუშაო შეხვედრის გამართვას და გვთხოვა აპარატს უზრუნველგვეყო შეუფერხებლად ეს შეხვედრა და არა საკრებულოს სხდომაზე დასწრების. ჩვენ დაუყოვნებლივ უზრუნველვყავით, გამოვყავით სამუშაო ოთახი, რომ მათ ამგვარი შეხვედრისთვის ხელი არ შეშლოდათ, თუმცა არც ერთი ადამიანი იმ სამუშაო ოთახში არ იმყოფებოდა. ეს იყო მცდელობა იმისა, რომ გარკვეული შოუ დაედგათ ამ ადამიანებს", - განაცხადა გიორგი ტყემალაძემ, რაზეც ლევან ხაბეიშვილმა ჟურნალისტებისთვის განკუთვნილი ადგილიდან გადმოსძახა, რომ ის იტყუებოდა, რადგან იმ ადამიანებიდან ერთი ადამიანს არ აძლევდნენ საკრებულოში შემოშვების უფლებას.

„ბატონო გიორგი, თქვენ ხართ მატყუარა. პირდაპირ ეთერში იტყუებით. ერთი ადამიანი არ შემოუშვით", - აღნიშნა ხაბეიშვილმა, რასაც დარბაზში შეძახილები მოჰყვა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა