საკრებულოში კვლავ ხმაურია. საკრებულოს „ნაციონალური მოძრაობის“ დეპუტატის, ლევან ხაბეიშვილის ინფორმაციით, საკრებულოს მესამე სართულიდან „ნაციონალური მოძრაობის" წევრებმა, 18 ნოემბრის აქციის დაშლისას დაკავებული მათი თანაგუნდელის, საკრებულოს წევრის, ირაკლი ნადირაძის მხარდასაჭერად ბანერი გამოფინეს, სახელწოდებით „თავისუფლება ირაკლი ნადირაძეს“ და ეს პლაკატი თბილისის მერიის უსაფრთხოების სამსახურის უფროსმა, სულიკო კედელაშვილმა დახია.
„სულიკო კედელაშვილმა დაუხია ლილე ლიპარტელიანს ეს პლაკატი“, - აღნიშნა ხაბეიშვილმა.
ამასთან, საკრებულოს წევრმა „ნაციონალური მოძრაობიდან“ ლილე ლიპარტელიანმა ჟურნალისტებთან აღნიშნა, რომ პლაკატის დახევის დროს ხელი დაუზიანდა.