ირაკლი ზარქუა - იმის ნაცვლად, რომ ბიუჯეტზე ვიმსჯელოთ, პოლიტიკური მასხარა ხაბეიშვილი გამოდის, ურცხვად იტყუება და შოუს დგამს

თბილისის საკრებულოს სხდომაზე, საკრებულოს თავმჯდომარის მოადგილემ ირაკლი ზარქუამ მიმდინარე მოვლენებზე განცხადება გააკეთა. მან „ნაციონალურ მოძრაობას“ და „ევროპულ საქართველოს“ მიმართა და განაცხადა, რომ ის დანაშაულები, რასაც წინა ხელისუფლება სჩადიოდა, აღარ განმეორდება.

„დღეს ლევან ხაბეიშვილს შოუების დადგმაში გოკა გაბაშვილიც აჰყვა. ბატონო გოკა, თქვენ რეალურად პირნათელი რომ იყოთ, თავად დიდი ხნის წინ დაადებდით „ნაციონალურ მოძრაობას“ ბოქლომს, რათა არასოდეს განმეორდეს ამ ქვეყანაში ის, რასაც თქვენ და თქვენი გუნდი აკეთებდით: დაკავებები პოლიტიკური ნიშნით, ბიზნესის მიტაცება, ტერორი და სხვა უამრავი უმსგავსობა“, - განაცხადა ირაკლი ზარქუამ.

საკრებულოს თავმჯდომარის მოადგილემ აღნიშნა, რომ დღეს საკრებულოს სხდომაზე დედაქალაქის 2020 წლის ბიუჯეტის პროექტს იხილავენ, რაც ძალიან მნიშვნელოვანია.

„დღეს თბილისისთვის მნიშვნელეოვანი დღეა. თუმცა, ნაცვლად იმისა, რომ განვიხილოთ მომავალი წლის ბიუჯეტის პროექტი, ვისაუბროთ ინფრასტრუქტურულ პროექტებზე, რომლებზეც 400 მილიონ ლარზე მეტი იხარჯება, პოლიტიკური მასხარა ხაბეიშვილი გამოდის, ურცხვად იტყუება და შოუს დგამს, თითქოსდა ჩვენ მათ საკრებულოს სხდომაზე არ ვუშვებთ,” - განაცხადა ირაკლი ზარქუამ.

საკრებულოს თავმჯდომარის მოადგილემ ოპოზიციის აქტივისტ ახალგაზრდებსაც მიმართა და მოუწოდა, არ აყვნენ „ნაციონალურ მოძრაობას“ საკუთარი ინტერესების გატარებაში.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან