გერმანიის ხელისუფლება „ისლამური სახელმწიფოს“ წევრ ქალსა და მის სამ შვილს სირიიდან გერმანიაში დააბრუნებს

გერმანიის ხელისუფლება ქალს, რომელიც „ისლამური სახელმწიფოს“ წევრობის ბრალდებით სირიის ერთ-ერთ ბანაკში სამ შვილთან ერთად იმყოფება, გერმანიაში დააბრუნებს, - ამის შესახებ ინფორმაციას „დოიჩე ველე“ ავრცელებს.

გამოცემა ჟურნალ Spiegel-ზე დაყრდნობით იუწყება, რომ 30 წლის ლაურა ჰ.-მ, რომელიც წარმოშობით ცენტრალური გერმანიიდანაა, 2016 წელს საკუთარი ქვეყანა დატოვა და ჯიჰადისტებს შეუერთდა. ახალგაზრდა ქალი შვილებთან ერთად ჩრდილოეთ სირიაში მდებარე ქურთების მიერ კონტროლირებად პატიმართა ბანაკში იმყოფება. ისინი გერმანიაში ერაყის გავლით რამდენიმე დღეში ჩავლენ.

გერმანიის სამართალდამცავებმა უკვე დაიწყეს გამოძიება ლაურა ჰ.-ს წინააღმდეგ „ისლამური სახელმწიფოს“ შესაძლო წევრობისა და ბავშვის მიმართ მოვალეობების არშესრულების საქმეებზე.

გავრცელებული ინფორმაციით, „ისლამური სახელმწიფოს“ წევრობაში ეჭვმიტანილ ქალებს გერმანიაში დაკავება და სასამართლოს წინაშე წარდგენა ემუქრებათ, მაგრამ სისხლის სამართებრივი დევნა შეზღუდულია იმ ეჭვმიტანილების მიმართ, რომლებიც საკუთარი სურვილით დაბრუნდნენ, ან სხვა ქვეყნის მიერ იყვნენ ექსტრადირებულები. ლაურა ჰ.-ს შემთხვევა იქნება პირველი, როდესაც გერმანია თავად განახორციელებს რეპატრირებას.

გერმანიის უსაფრთხოების ძალების ინფორმაციით, ამ დროისთვის სირიაში „ისლამური სახელმწიფოს“ 80-მდე გერმანელი წევრია დატყვევებული.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა