ირანის მაღალჩინოსანი - ქვეყნის ჯარებმა, გვარდიამ და პოლიციამ ამერიკელი აგენტების მიერ მართული ამბოხი აღკვეთა

ირანის მთავრობის მაღალჩინოსნის, პარვიზ თავასოლიზადეჰის თქმით, ირანის ჯარმა და რევოლუციურმა გვარდიამ პოლიციას დახმარება გაუწია აღეკვეთა „ამერიკელი აგენტების“ მიერ მართული ძალადობრივი ქმედებები.

„რევოლუციური გვარდიის ყველა ძალა, სამხედრო დაჯგუფება „ბასიკი“, დაზვერვის სამინისტრო, პოლიცია, არმია, ყველა მონაწილეობას იღებდა, რომ სიტუაცია კონტროლს დაქვემდებარებოდა“, - განაცხადა თავასოლიზადეჰმა ადგილობრივ მედიასთან ინტერვიუში.

მისივე თქმით, აჯანყებულები შეიარაღებულნი იყვნენ.

გვარდიის ერთ-ერთი მეთაურის, ბაჰმან რეიჰანის თქმით, დემონსტრანტები მართულნი იყვნენ ამერიკის სადაზვერვო სამსახურების მიერ.

ირანის ოფიციალურმა პირებმა შეერთებული შტატები, ისრაელი და საუდის არაბეთი არაერთხელ დაადანაშაულეს ქვეყანაში არეულობის ხელშეწყობაში.

ირანში საპროტესტო აქციები 15 ნოებერს დაიწყო. Amnesty International-ის ინფორმაციით, სამთავრობო ძალებთან შეტაკებისას 100-ზე მეტი დემონსტრანტი დაიღუპა. ინფორმაციას არ ადასტურებს ოფიციალური თეირანი.

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა