არჩილ თალაკვაძემ პრეზიდენტთან ერთად,  საქართველოს ტერიტორიული მთლიანობისთვის ბრძოლაში დაღუპული მეომრების ოჯახებს სახელმწიფო ჯილდოები გადასცა

საქართველოს პრეზიდენტმა და პარლამენტის თავმჯდომარემ საქართველოს ტერიტორიული მთლიანობისთვის ბრძოლაში გამოჩენილი განსაკუთრებული თავდადებისა და გმირობისთვის, მეომრები (სიკვდილის შემდეგ) სახელმწიფო ორდენებითა და მედლებით დააჯილდოვეს. აღნიშნულ ინფორმაციას საქართველოს პარლამენტის პრესსამსახური ავრცელებს.

მათი ცნობით, შეკრებილ საზოგადოებას არჩილ თალაკვაძემ სიტყვით მიმართა, გიორგობის დღესასწაული მიულოცა და დაღუპული გმირების თავდადებაზე გაამახვილა ყურადღება. პარლამენტის თავმჯდომარემ აღნიშნა, რომ დღეს, დაღუპული მეომრების ოჯახებისთვის ჯილდოების გადაცემა განასახიერებს უწყვეტ კავშირს საქართველოს წარსულს, აწმყოსა და მომავალს შორის.

„დღეს შევიკრიბეთ რათა პატივი მივაგოთ ჩვენს გმირებს და მათ ხსოვნას, მადლობა გადავუხადოთ მათ ოჯახებს. მათ გაიღეს ყველაფერი და ყველაზე მეტი, რაც შეიძლება. ჩვენ ქედს ვიხრით ჩვენი გმირების წინაშე! არა თავისთავად ომი, რომელშიც ისინი გმირულად დაეცნენ, არამედ მშვიდობა, ჩვენი შვილების მომავალი და საქართველოს ხვალინდელი დღე იყო ის, რისთვისაც მათ თავი გასწირეს. ისინი ბრძოლაში დაეცნენ, თუმცა გაიმარჯვეს სამშობლოს სიყვარულში”, - განაცხადა პარლამენტის თავმჯდომარემ.

დამსწრეებს სიტყვით მიმართეს და მეომრები დააჯილდოვეს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა, თავდაცვის მინისტრის მოადგილემ, რატი ბრეგაძემ, საქართველოს თავდაცვის ძალების მეთაურმა, ვლადიმერ ჩაჩიბაიამ და ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ.​

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის