შოთა რუსთაველის თეატრში ვახუშტი კოტეტიშვილის სახელობის ხალხური პოეზიის საიუბილეო საღამო „ლექსო, არ დაიკარგები“ გაიმართება

დღეს, შოთა რუსთაველის აკადემიური თეატრის დიდ დარბაზში ვახუშტი კოტეტიშვილის სახელობის ხალხური პოეზიის საიუბილეო საღამო - „ლექსო, არ დაიკარგები“ გაიმართება. როგორც „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს წელს ხალხური პოეზიის საღამო მეორმოცედ იმართება.

მათივე ინფორმაციით საიუბილეო საღამო 19:00 საათზე დაიწყება.

„მონაწილეობას მიიღებენ ძველი და დღემდე უცნობი მელექსეები, იუმორის დიდოსტატები, მომღერლები და მოცეკვავეები. საიუბილეო საღამო მთელ საქართველოს, ფოლკლორის ყველა დარგს მოიცავს და წარმოადგენს ხალხურ ლექს, ხალხურ მუსიკას, ხალხურ ცეკვასა და იუმორს. პროექტის მიზანია გასული საუკუნის 80-იანი წლების ფოლკლორული საღამოების მრავალმხრივ მნიშვნელოვანი და საგულისხმო ტრადიციის გაგრძელება.

საღამოს გაუძღვებიან ფოლკლორისტები - ეთერ თათარაიძე და ამირან არაბული.

ღონისძიება საქართველოს განათლების, მეცნიერების, კულტურისა და სპორტის სამინისტროსა და ქალაქ თბილისის მერიის მხარდაჭერით იმართება. ხალხური პოეზიის საღამოები სათაურით - „ლექსო, არ დაიკარგები“, საქართველოს ფოლკლორის სახელმწიფო ცენტრმა 2008 წელს აღადგინა“, - ნათქვამია ინფორმაციაში.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა