დავით უსუფაშვილი - ოპოზიცია სამართლიან არჩევნებზე ვლაპარაკობთ და არა იმაზე, რომ ივანიშვილო, იქნებ რამე ისეთივე მოგვიკვარახჭინო, რაც სალომე ზურაბიშვილს მოუკვარახჭინე

ოპოზიცია სამართლიან არჩევნებზე ვლაპარაკობთ და არა იმაზე, რომ ბიძინა ივანიშვილო, იქნებ მე ან სხვებს, რამე ისეთივე მოგვიკვარახჭინო, რაც სალომე ზურაბიშვილს მოუკვარახჭინე მთაწმინდის ოლქში თავის დროზე და მერე საპრეზიდენტო არჩევნებში, - ამის შესახებ „შენების მოძრაობის” ლიდერმა დავით უსუფაშვილმა ოპოზიციური პარტიების წარმომადგენლების შეხვედრის შემდეგ განაცხადა.

მისი თქმით, „ქართული ოცნების” სახელისუფლებო დასასრული გარდაუვალია.

„ჩვენ ვხედავთ, რომ სწორედ ოპოზიცია იქცევა ისე, როგორც ხელისუფლება უნდა იქცეოდეს - სახელმწიფოებრივად და ქვეყნის სასიკეთოდ. „ოცნებიდან“ რა გვესმის? თუ როგორი ცუდი იყო „ნაციონალური მოძრაობა” და რამდენი ცუდი საქმე გააკეთა საარჩევნო საკითხებში. ამას მელაპარაკება ხალხი, რომელიც თავად იმ „ნაცმოძრაობის“ მხარდამჭერი იყო მთელი წლების განმავლობაში, როდესაც ჩვენ ვაპროტესტებდით მაშინ იმ არასწორ ქმედებებს. თუ „ოცნებამ“ უკვე იცის, რა არის არასწორი, რატომ იმეორებენ ამას?

ჩვენ მათ ვთავაზობთ გამოსავალს და ამის ნაცვლად, გადასვლა იმ სიბრტყეში, რომ ვინც კარგი ბიჭები და გოგოები იქნებით და სათანადოდ გაემიჯნებით „ნაცმოძრაობას“, იმას ჩვენ კონკურენტებს არ დაგიძახებთო, ეს რა არის იცით? ფოჩიანი კანფეტებით ვაჭრობის მცდელობა, თან ისე, რომ ფოჩებიც ვერ გაუკეთეს წესიერად. თუ ვინმე ამ ქვეყანაში „ოცნებას“ აკრიტიკებს, ეგრევე „ნაცმოძრაობის“ იარლიყს აკრავენ“, - განაცხადა უსუფაშვილმა.

შეგახსენებთ, რომ „ქართული ოცნება“ მზადაა, საარჩევნო სისტემის საკითხზე პლებისციტი 2020 წლის საპარლამენტო, ან 2021 წლის ადგილობრივი არჩევნების დღეს ჩატარდეს. ამასთან, როგორც დღეს გამართულ ბრიფინგზე პარტიის გენერალურმა მდივანმა, კახა კალაძემ განაცხადა, გადაწყვიტეს, არ დააყენონ „ქართული ოცნების“ კანდიდატები იმ მაჟორიტარულ ოლქებში, სადაც, „ნაცმოძრაობის“ და მისი დანამატების გარდა, ოპოზიციის დანარჩენ წარმომადგენლებს ექნებათ გამარჯვების შანსი.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო