დავით მათიკაშვილი - კიდევ ერთხელ რომ ჩატარდეს საკონსტიტუციო რეფორმა, ამაში ვერანაირ აზრს ვერ ვხედავ

კიდევ ერთხელ რომ ჩატარდეს საკონსტიტუციო რეფორმა, ამაში ვერანაირ აზრს ვერ ვხედავ, - ამის შესახებ საპარლამენტო უმრავლესობის წევრმა დავით მათიკაშვილმა ჟურნალისტებს პარლამენტში განუცხადა. როგორც მათიკაშვილმა აღნიშნა, „პოლიტიკური მოწინააღმდეგე არ იქცევა სათანადოდ“.

„პოლიტიკა არის ცოცხალი პროცესი. პოლიტიკაში ხდება შესაბამისი გადაწყვეტილებების მიღება. პირადად მეც ვისურვებდი, რომ მიღებულიყო და 2020 წლისთვის გადასულიყო ქვეყანა პროპორციულ სისტემაზე. თუმცა ახლა ამის რესურსი არ არსებობს. კიდევ ერთხელ ჩატარდეს საკონსტიტუციო რეფორმა, მე ამაში ვერანაირ აზრს ვერ ვხედავ. სისტემა არის აბსოლუტურად დემოკრატიული. მე შეგახსენებთ, რომ „ნაციონალურმა მოძრაობამ“ შეცვალა წესი და პირიქით, მაჟორიტარები დაამატა 2010 წელს განხორციელებული რეფორმის შედეგად.

პარტია, რომელიც დაობს, რომ „ქართული ოცნება“ არ ასრულებს დაპირებებს, საკუთარ პარტიაზე მოირგო კონსტიტუცია. 2020 წელს ჩატარდება დემოკრატიული სისტემით არჩევნები - შერეული სისტემა გახლავთ სრულიად დემოკრატიული და თავსებადი იმ მიზნებთან და ამოცანებთან, რაც დემოკრატიულ საზოგადოებას გააჩნია. პოლიტიკური მოწინააღმდეგე არ იქცევა სათანადოდ. „ნაციონალური მოძრაობის“ ორივე ფრთას აქვს პოლიტიკური, დესტრუქციული დღის წესრიგი. მათმა საქციელმაც გარკვეული როლი ითამაშეს ამ პროცესში და ეს საზოგადოებამ დაინახა. ვიმეორებ, რომ 2020 წელს არჩევნები ჩატარდება იმ მოდელით, რაც კონსტიტუციაში გვაქვს, ხოლო 2024 წლიდან გადავდივართ პროპორციულ სისტემაზე“, - განაცხადა მათიკაშვილმა.

რაც შეეხება მმართველი გუნდიდან წევრების წასვლას, როგორც მათიკაშვილი აცხადებს, პარტიიდან არავინ მიდის.

„გუნდი არის ერთიანი“, - განაცხადა მათიკაშვილმა.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის