მამუკა მდინარაძე, გიორგი კახიანი და კახა კუჭავა  ვიცე-სპიკერები, დავით სონღულაშვილი, ნინო წილოსანი, გენადი მარგველაშვილი, გურამ მაჭარაშვილი და ირაკლი ბერაია კი კომიტეტების თავმჯდომარეები ხდებიან

პარლამენტის თავმჯდომარეს 7 მოადგილე ეყოლება. არსებული ინფორმაციით, ვიცე-სპიკერი ხდება მამუკა მდინარაძე, რომელიც ამავე დროს საპარლამენტო უმრავლესობის ლიდერიც იქნება, ასევე ვიცე-სპიკერის თანამდებობაზე ინაცვლებენ გიორგი კახიანი და კახა კუჭავა (საგარეო მიმართულებით), გია ვოლსკი კი, რომელსაც ამ დრომდე ვიცე-სპიკერის და საპარლამენტო უმრავლესობის ლიდერის პოსტები ეკავა, პირველი ვიცე-სპიკერი იქნება. როგორც ცნობილია, გარდა აღნიშნული პირებისა, სპიკერატში, პარლამენტის თავმჯდომარის მოადგილის თანამდებობები ასევე უკავიათ აჭარაში არჩეულ დეპუტატ ილია ნაკაშიძეს და ოპოზიციის კვოტით არჩეულ სერგი კაპანაძეს და ირმა ინაშვილს.

რაც შეეხება კომიტეტების თავმჯდომარეებს, ევროინტეგრაციის კომიტეტს თამარ ხულორდავას ნაცვლად დავით სონღულაშვილი უხელმძღვანელებს, საგარეო კომიტეტს სოფო ქაცარავასგან ირაკლი ბერაია, განათლების კომიტეტს მარიამ ჯაშისგან - გენადი მარგველაშვილი, საპროცედურო კომიტეტს გიორგი კახიანისგან კი - გურამ მაჭარაშვილი გადაიბარებს, გარემოს დაცვის კომიტეტის თავმჯდომარე კი ნინო წილოსანი იქნება. დარგობრივი ეკონომიკის კომიტეტის ხელმძღვანელად რჩება რომან კაკულია.

გარდა ამისა, ფრაქცია "ქართული ოცნების" თავმჯდომარის თანამდებობას დაიკავებს რატი იონათამიშვილი.

ვაკანტურ საპარლამენტო თანამდებობებზე დასანიშნი პირების საკითხზე საბოლოო შეთანხმება უმრავლესობის დღევანდელ სხდომაზე შედგა. მმართველ გუნდში მიღებული გადაწყვეტილებები დეტალურად პარლამენტის ბიუროს დღევანდელ სხდომაზე გახდება ცნობილი.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს