არჩილ თალაკვაძემ ბიუროს სხდომაზე პარლამენტის ვაკანტურ თანამდებობებზე უმრავლესობის მიერ წარმოდგენილი კანდიდატურები დაასახელა

პარლამენტის თავმჯდომარე არჩილ თალაკვაძემ ბიუროს სხდომაზე პარლამენტის ვაკანტურ თანამდებობებზე უმრავლესობის მიერ წარმოდგენილი კანდიდატურები დაასახელა.

მისი ინფორმაციით, საპარლამენტო უმრავლესობის ლიდერად მამუკა მდინარაძე დაინიშნა. ამასთან, მდინარაძე პარლამენტის ვიცე-სპიკერის პოსტსაც შეითავსებს.

მიმდინარე სასესიო კვირაში კი პარლამენტის პლენარულ სხდომაზე კენჭს უყრიან სხვა საპარლამენტო თანამდებობებზე უმრავლესობის მიერ წარდგენილ კანდიდატებს. კერძოდ, პარლამენტის პირველი ვიცე-სპიკერის თანამდებობაზე წარდგენილია გია ვოლსკის კანდიდატურა. ვიცე-სპიკერების პოსტს დაიკავებენ, ასევე, გიორგი კახიანი და კახა კუჭავა.

რაც შეეხება კომიტეტის თავმჯდომარეებს, ევროინტეგრაციის კომიტეტს დავით სონღულაშვილი უხელმძღვანელებს, საგარეო ურთიერთობათა კომიტეტს - ირაკლი ბერაია, გარემოსა და ბუნებრივი რესურსების კომიტეტს - ნინო წილოსანი, განათლების, მეცნიერების და კულტურის კომიტეტს - გენადი მარგველაშვილი, ხოლო საპროცედურო საკითხთა კომიტეტს - გურამ მაჭარაშვილი.

შეგახსენებთ, რომ 14 ნოემბერს, პროპორციულ საარჩევნო სისტემაზე გადასვლის შესახებ საკონსტიტუციო ცვლილების ჩაგდების შემდეგ, საპარლამენტო უმრავლესობის რიგები 12-მა დეპუტატმა დატოვა, მათ შორის, პარლამენტის პირველმა ვიცე-სპიკერმა და სამი კომიტეტის თავმჯდომარემ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა