მამუკა მდინარაძე - ოპოზიციის გარკვეული ნაწილი ჩვენმა გადაწყვეტილებამ პანიკაში და აგონიაში ჩააგდო

„დღეს ნახეთ, რომ ოპოზიციის გარკვეული ნაწილი პანიკაში და აგონიაში ჩააგდო ჩვენმა გადაწყვეტილებამ,“ - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს განუცხადა, რითაც შეაფასა საპარლამენტო უმრავლესობის გადაწყვეტილება, რომ 2020 წლის არჩევნებზე გარკვეულ მაჟორიტარულ ოლქებში „ქართულმა ოცნებამ“ საკუთარი მაჟორიტარობის კანდიდატი არ დააყენოს.

„დღეს ნახეთ, რომ ოპოზიციის გარკვეული ნაწილი პანიკაში და აგონიაში ჩააგდო ჩვენმა გადაწყვეტილებამ, რომლის მიხედვითაც იმ სამაჟორიტარო ოლქებში, სადაც იქნება ღირსეული და რეიტინგული კანდიდატი და ამავდროულად ის არ იქნება „ნაციონალური მოძრაობის“ ან მისი რომელიმე ფრთის წარმომადგენელი, ჩვენ მას კონკურენტ კანდიდატს არ დავუყენებთ. ამით მეტად გარანტირებულად იქნება უზრუნველყოფილი ის, რომ კონკრეტულ ადგილებზე კონკრეტული პარტიის წარმომადგენელი მაჟორიტარი დეპუტატები გვეყოლებიან პარლამენტში. ამით ჩვენ უზრუნველვყოფთ, რომ საქართველოს პარლამენტში წარმოდგენილი იქნება ბევრი პარტია,“ - განაცხადა მამუკა მდინარაძემ.

ცნობისთვის, დღეს გამართულ ბრიფინგზე, „ქართული ოცნების“ გენერალურმა მდივანმა, კახა კალაძემ განაცხადა, გადაწყვიტეს, არ დააყენონ „ქართული ოცნების“ კანდიდატები იმ მაჟორიტარულ ოლქებში, სადაც, „ნაცმოძრაობის“ და მისი დანამატების გარდა, ოპოზიციის დანარჩენ წარმომადგენლებს ექნებათ გამარჯვების შანსი.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა