ეკა ბესელია - სწორედ ის ადამიანები დაასაჩუქრეს ნასუფრალის შემდეგ რაც დარჩათ იმით, ვინც ე.წ. მეამბოხე მაჟორიტარების სიაში აღმოჩნდნენ

სწორედ ის ადამიანები დაასაჩუქრეს ნასუფრალის შემდეგ რაც დარჩათ იმით, ვინც სწორედ ე.წ. მეამბოხე მაჟორიტარების სიაში აღმოჩნდნენ, - ამის შესახებ დამოუკიდებელმა დეპუტატმა ეკა ბესელიამ საპარლამენტო თანამდებობებთან დაკავშირებით მიღებულ გადაწყვეტილებებზე ჟურნალისტებს განუცხადა. მან ასევე გააკრიტიკა მამუკა მდინარაძე და განაცხადა, რომ „ნაციონალური მოძრაობის" დროს „ამბების მიმტან-მომტანისა და დაბალი რანგის შემსრულებლის" დაწინაურება, მასში ღიმილს იწვევს.

„ძალიან მოკლე ფეხები აქვს ტყუილს. ისეთი უნიჭო სცენარი იყო დადგმული, რომ საკუთარი თავი ძალიან მალე გაამჟღავნეს. წარმოუდგენელი რამ არის საკუთარ პარტიაში პარტიის თავმჯდომარეს დაუპირისპირდეს დეპუტატი და შემდეგ ის დააწინაურონ. მე კონფლიქტში რომ შევედი მოსამართლეების სიასთან დაკავშირებით, სწორედ ამის შემდეგ დავტოვე ის თანამდებობა. რაღაც ლოგიკაში ხომ უნდა იყოს, ისეთი რამ არ უნდა მოიფიქროს, რაშიც პატარა ბავშვსაც ვერ დაარწმუნებ. სწორედ ის ადამიანები დაასაჩუქრეს ნასუფრალის შემდეგ რაც დარჩათ, ასე ვუწოდებ მე დღეს ამ თანამდებობების განაწილებას, სხვა ამას არაფერი ჰქვია, ვინც სწორედ ე.წ. მეამბოხე მაჟორიტარების სიაში აღმოჩნდნენ.

სინანულით ვუყურებ, რომ რაზეც იდგა ეს პარტია, აბსოლუტურად ყველაფერს გადააბიჯეს“, - განაცხადა ეკა ბესელიამ.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე