თავისი ნაჭუჭიდან უყურებენ სამყაროს და ყველაფერი ეტყობა ლურჯად ჩანს, - ასე ეხმიანება დამოუკიდებელი დეპუტატი ეკა ბესელია ჟურნალისტებთან საპარლამენტო უმრავლესობის ლიდერის, მამუკა მდინარაძის განცხადებას პარტიული დემოკრატიის თაობაზე.
როგორც ეკა ბესელიამ განაცხადა, ზღაპრების არავის სჯერა. დეპუტატი ასევე გამოეხმაურა 2024 წლის არჩევნებისთვის პლებისციტის ჩატარების საკითხს და აღნიშნა, რომ “მათი ოცნებები შორს წავიდა”.
„ერთმანეთს აჯერებენ, რომ კიდევ 20 წელი ხელისუფლებაში იქნებიან. ან ისტორიას გადახედონ, ან უახლესი წლების მოვლენებს მიადევნონ თვალი. იმპულსების შეგრძნებები არის ძალიან დაქვეითებული მმართველ პარტიაში,"- განაცხადა ეკა ბესელიამ.