მამუკა მდინარაძე - თუ აქციის მონაწილეები დაარღვევენ კანონს, სახელმწიფო იმოქმედებს ადეკვატურად

თუ დაარღვევენ კანონს ადამიანები, რომლებიც გამოხატავენ პროტესტს, სახელმწიფო იმოქმედებს ადეკვატურად - ამის შესახებ დეპუტატმა მამუკა მდინარაძემ განაცხადა. მისი თქმით, ერთი მხრივ, უნდა იყოს დაცული გამოხატვის თავისუფლება, თუმცა მეორე მხრივ, არ უნდა მოხდეს პარლამენტის ბლოკირება.

„ ჩვენ წინა შემთხვევაშიც მოვუწოდეთ სამართალდამცველ ორგანოებს, რომ იმოქმედონ მაქსიმალური სიფრთხილით, რომ ადამიანების ჯანმრთელობასაც გამოხატვის თავისუფლებასთან ერთად გავუფრთხილდეთ. ეს არის ჩვენი ვალი და ჰუმანურობის პრინციპიდან გამომდინარეობს. მეორე მხრივ, ვალდებულია, სამართალდამცველი ორგანო, რომ არ დაუშვას სახელმწიფო ინსტიტუტის, პარლამენტის ბლოკირება. სამართალდამცველი ორგანოები მოქმედებენ კანონის შესაბამისად, საქართველოს პარლმენტს და მის წევრებს უნდა მიეცეთ მუშაობის საშუალება. აქედან გამომდინარე სამართალდამცველები იმოქმედებენ მხოლოდ და მხოლოდ კანონის ფარგლებში ჰუმანურობის პრინციპის მაქსიმალური დაცვით“, - განაცხადა მამუკა მდინარაძემ.

ჟურნალისტების კითხვაზე, დაშლის რა მეთოდები შეიძლება იყოს გამოყენებული აქციის მონაწილეების მიმართ, მდინარაძემ განაცხადა, რომ მას კონკრეტული პასუხი არ აქვს.

„ მე სპეციალური საშუალებების, ზომების განსაზღვრას არ ვახდენ, ეს არ არის ჩემი საქმე: რა ზომა, რა ფორმით მოხდება, სპეცრაზმი იქნება, პოლიცია, კრიმინალური პოლიციის თუ საუბნო სამსახურის თანამშრომლები გამოყვანილი, ეს ჩემი საქმე არ არის, ეს არ არის ჩემთან დასასმელი კითხვა. მე მხოლოდ შემიძლია გითხრათ ვალდებულების შესახებ, რომ უკანონობა უნდა აღკვეთოს სამართალდამცველმა და ამავე დროს მოვუწოდებ მათ მაქსიმალური სიფრთხილით გააკეთონ ეს, როცა იქნება ამის საჭიროება, ისე, რომ გავუფრთხილდეთ ადამიანების ჯანმრთელობასაც, გავუფრთხილდეთ მათ გამოხატვის უფლებას, რომელიც არავის არ უნდა შეეზღუდოს კანონის ფარგლებში“, -დასძინა დეპუტატმა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან