ინციდენტი მოხდა ამაღლების ქუჩაზე, სადაც აქციის მონაწილეებს სამართალდამცველებმა კასრები ჩამოართვეს. კასრების ჩამორთმევის პროცესში ერთმანეთს სიტყვიერად სამართალდამცველები და დეპუტატები ელენე ხოშტარია და თინა ბოკუჩავა დაუპირისპირდნენ.
„ ეს პოლიციელები აქამდე იყვნენ მონები, ახლა იქცნენ ყაჩაღებად, გვართმევენ ჩვენ ნივთებს და მიზეზსაც არ ასახელებენ. გვიღობავენ გზას. რა კანონის საფუძველზე ხდება ვერ გეტყვით“,- განაცხადა ელენე ხოშტარიამ, რაზეც საპატრულო პოლიციის თანამშრომელმა განუმარტა, რომ „კასრების ჩამორთმევა უსაფრთხოების ზომებიდან გამომდინარე მოხდა, ვინაიდან კასრები შესაძლოა პიკეტირებისას ყოფილიყო გამოყენებული“.
„კარგით გავიგეთ რომ ივანიშვილს კასრების ეშინია, „ ადიალებისაც“ ეშინია? „ადიალებსაც“ ჩამოგვართმევთ? აკითხინეთ გახარიას ივანიშვილისთვის, პლედების მოტანა არაკონსტიტუციურად ხომ არ ჩაითვლება?! - ეგეც გასათბობად გვინდა, ცხელი ჩაი ხომ არ ითვლება არაკონსტიტუციურად“?!- მიმართა სამართალდამცველებს დეპუტატმა თინა ბოკუჩავამ.