პარლამენტის შესასვლელებთან აქციის მონაწილეების მიერ გაშლილი კარვები ამ დროისთვის აღებულია. სპეცრაზმმა კარვები აქციის მონაწილეების ტერიტორიიდან გაყვანის პარალელურად აიღო. ამ დროისთვის რამდენიმე კარავი მხოლოდ ტროტუარებზე დგას.

აღსანიშნავია, რომ სპეცრაზმის ნაწილი ტერიტორიას ნელ-ნელა ტოვებს. აქციის მონაწილეები მათ აცილებენ შეძახილით „ბიძინას მონები“, მეორე ნაწილი კი ჩიტაძის და ჭიჭინაძის ქუჩებზე განთავსდა. აღსანიშნავია, რომ ჩიტაძის ქუჩაზე სპეციალური დანიშნულების რაზმმა ავტობუსიც ჩააყენა, რის გამოც ქუჩა, გადაკეტილია.