თბილისში განვითარებულ მოვლენებს მსოფლიოს გავლენიანი გამოცემები ეხმაურებიან

თბილისში, პარლამენტის წინ განვითარებულ მოვლენებს მსოფლიოს გავლენიანი გამოცემები ეხმაურებიან.

BBC-ს ცნობით, ათასობით ადამიანი ქვეყნის საარჩევნო სისტემის რეფორმირებას ითხოვს. მათივე ინფორმაციით, აღნიშნული მოთხოვნით საქართველოს დედაქალაქში აქციები უკვე 2 კვირაზე მეტია რაც მიმდინარეობს.

„დემონსტრანტები აცხადებენ, რომ მიმდინარე სისტემა ხელსაყრელია მმართველი, „ქართული ოცნების“ პარტიისთვის. აქციის მონაწილეებმა დაბლოკეს პარლამენტის შესასვლელები, რათა პოლიტიკოსებმა ვერ შეძლონ სამშაბათის სესიაზე დასწრება“,- წერს გამოცემა და აღნიშნავს, რომ პოლიციამ აქცია ძალის გამოყენებით დაშალა.

გავლენიანი ამერიკული გამოცემა „ვაშინგტონ პოსტი“ აცხადებს, რომ ათასობით ადამიანი საქართველოში მთავრობის გადადგომას და ვადამდელ არჩევნებს ითხოვს. მათი ცნობით, მასშტაბური პროტესტი ქვეყანაში, მთავრობის მიერ შეუსრულებელმა დაპირებამ გამოიწვია, რაც პროპორციულ საარჩევნო სისტემაზე გადასვლას გულისხმობდა.

„დოიჩე ველეს“ ინფორმაციით კი, ევროკავშირის და საქართველოს დროშებით ათასობით ადამიანი თბილისში, მთავრობის გადადგომას ითხოვს. მათივე თქმით, პოლიციამ დემონსტრაცია წყლის ჭავლის გამოყენებით დაშალა.

გამოცემა აქციების ანტი-რუსულ ხასიათზეც წერს. მათი ცნობით, აღნიშნული პროტესტი იმ დემონსტრაციებს მოჰყვა, რომელიც რუსული გავლენის წინააღმდეგ იმართებოდა საქართველოს დედაქალაქში. სტატიაში ასევე გამოქვეყნებულია ფოტო აქციიდან, წარწერით „შეაჩერეთ პუტინის ოცნება“.

„ევრონიუსის“ ინფორმაციით, პოლიციამ ბოლო ორი კვირის განმავლობაში 37 ადამიანი დააკავა. გამოცემის ცნობით, ოპოზიცია დაკავებებს პოლიტიკურად მოტივირებულს უწოდებს და აღნიშნავს, რომ დემონსტრანტები სლოგანით „ყველა ერთის წინააღმდეგ“, ოლიგარქ ბიძინა ივანიშვილის წინააღმდეგ იბრძვიან.

იხილეთ ვიდეო

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო