რუსული გამოცემის, „რია ნოვოსტის“ ინფორმაციით, რუსეთი გეგმავს, რომ თურქეთთან S-400 ტიპის საჰაერო სარაკეტო სისტემების შესყიდვაზე ახალი კონტრაქტი 2020 წლის პირველ ნახევარში გააფორმოს. ამის შესახებ რუსული შეიარაღების ექსპორტიორი კომპანიის „როსაბარონაექსპორტ“-ის ხელმძღვანელმა, ალექსანდრ მიხეევმა განაცხადა.
ნატო-ს წევრი თურქეთის მიერ, რუსეთისგან S-400 ტიპის საჰაერო სარაკეტო სისტემების შესყიდვამ ვაშინგტონისა და ანკარას შორის უთანხმოება გამოიწვია. შეერთებული შტატები თურქეთს სანქციებით დაემუქრა. თეთრ სახლში აცხადებენ, რომ მსგავსი ქმედებები ასუსტებს ნატო-ს უსაფრთხოებას და საფრთხეს უქმნის F-35 ტიპის თვითმფრინავებს.