პარლამენტის თავმჯდომარე არჩილ თალაკვაძე პარლამენტში მივიდა. მას მედიასთან კომენტარი ჯერჯერობით არ გაუკეთებია.

ცნობისთვის, დეპუტატების ნაწილი პარლამენტში უკვე იმყოფება.

საკანონმდებლო ორგანოს ყველა შესასვლელთან საპატრულო პოლიციის წარმომადგენლები არიან განლაგებულები. ისინი იმყოფებიან როგორც ჩიტაძის, ასევე ჭიჭინაძის ქუჩაზე. სწორედ სამართალდამცავების კონტროლის მეშვეობით უწევთ დეპუტატებს პარლამენტში შესვლა.

ამასთან, აქციის მონაწილეებს, რომლებსაც პარლამენტის შესასვლელებთან მისვლა და პროტესტის გამოხატვა სურთ, ამის საშუალებას პოლიცია არ აძლევს.