ვაჟა სირაძის ინფორმაციით, პოლიციის მიერ აქციაზე დაკავებული პირების ნაწილი ხელწერილის საფუძველზე გათავისუფლდა

შსს- ს საპატრულო პოლიციის დეპარტამენტის უფროსის, ვაჟა სირაძის გაცხადებით, პოლიციის მიერ აქციაზე დაკავებული 28 პირიდან ნაწილი ხელწერილის საფუძველზე გათავისუფლდა.

"რამდენადაც ჩემთვის ცნობილია, ადმინისტრაციული კოდექსით 28 პირი იყო დაკავებული, თუმცა ნაწილი ხელწერილის საფუძველზე გათავისუფლდა“, - განუცხადა ჟურნალისტებს სირაძემ, რომელიც პარლამენტთან იმყოფება.

შსს- ს საპატრულო პოლიციის დეპარტამენტის უფროსმა ის მიზეზიც განმარტა, რის გამოც სამართალდამცავები პარლამენტთან ამ დრომდე იმყოფებიან.

„გამომდინარე იქიდან, რომ აქციის მონაწილეთა მხრიდან ხდება პარლამენტის შესასვლელების ბლოკირება, ასევე პროვოკაციები და ავტომანქანების გადაადგილების შეზღუდვა, შესაბამისად, პარლამენტის მიმდებარე ტერიტორიაზე მობილიზებულია პოლიცია და უზრუნვეყოფს საზოგადოებრივი წესრიგის დაცვას, ასევე უზრუნველყოფს დეპუტატებისა თუ მოქალაქეების თავისუფლად გადადგილებას", - განაცხადა ვაჟა სირაძემ.

ამასთან, სირაძის თქმით, ვიდრე აქციის დაშლა დაიწყებოდა, აქტივისტებმა პოლიციისგან შესაბამისი გაფრთხილება მიიღეს.

"დაიწყო საპროტესტო აქცია, რომელიც გადაიზარდა კანონდარღვევაში, ვინაიდან ოპოზიციის გარკვეულმა წარმომადგენელმა მოახდინა პარლამენტის შესასვლელების პიკეტირება და ბლოკირება. შესაბამისად, პოლიციის წარმომადგენლები, მერიის წარმომადგენლებთან ერთად მივიდნენ მათთან და გონივრული ვადა მისცეს, რომ თავიანთი პროტესტი მშვიდ ვითარებაში გამოეხატათ, ასევე გადასულიყვნენ უსაფრთხო ადგილას, არ დაეკეტათ სავალი ნაწილი და გაეხსნათ პარლამენტის შესასვლელები. მათ მიეცათ გონივრული დრო, თუმცა ისინი არ დაემორჩილნენ პოლიციის კანონიერ მოთხოვნას. ამის შემდეგ მეორედ მივედით პოლიციის წარმომადგენლები და მოვუწოდეთ, რომ გადასულიყვნენ და მშვიდ ვითარებაში გაეგრძელებინათ პროტესტი, რაზეც კვლავ გააგრძელეს წინააღმდეგობა. შესაბამისად, პოლიციური ძალები გამოვიდნენ და აღნიშნული პირები რუსთაველის გამზირზე ჩამოიყვანეს, ყოველგვარი ძალადობის გარეშე, ყოველგვარი სპეციალური საშუალებების გამოყენების გარეშე, მათ შორის წყლის. ძალიან მშვიდ ვითარებაში ჩამოვიყვანეთ", - განაცხადა სირაძემ.

იხილეთ ვიდეო

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა