მამუკა მდინარაძე - „ნაცმოძრაობა“ მილევად რეჟიმშია

„ნაციონალური მოძრაობა“, რომელიც ამ ქვეყანაში ერთ-ერთი მთავარი შემაფერხებელი ფაქტორია, მარგინალიზაციის გზაზე დგას და მილევად რეჟიმშია, - ამის შესახებ საპარლამენტო უმრავლესობის ლიდერმა, მამუკა მდინარაძემ პლენარულ სხდომაზე განაცხადა.

მისივე თქმით, „ნაციონალური მოძრაობის“ წევრების მოქმედებებს განვითარება და პოზიტიური პერსპექტივა არ აქვს.

„როდესაც პროპორციულ სისტემაზე გადასვლაზე ვსაუბრობდით, მაშინ ერთ-ერთი მთავარი მოტივაცია, მათ შორის მორალური და პარტიების განვითარების თვალსაზრისით, იყო ის, რომ რაც შეიძლება მეტი პარტია უნდა შევიდეს პარლამენტში და დღეს, ჩვენი ამ გადაწყვეტილებით მეტი გარანტია აქვთ პარტიებს, რომ თავიანთი წარმომადგენლები ჰყავდეთ საქართველოს პარლამენტში.

რატომ ვამბობ იმას, რომ მილევად რეჟიმშია „ნაცმოძრაობა“? მათ თავიანთი უგუნური გადაწყვეტილებით, ვგულისხმბ ყველა შტოს, თავი ჩაიყენეს ჩიხურ მდგომარეობაში. ისინი გვთავაზობენ მოდელს, რომლითაც 77 უდრის 150-ს. გვთავაზობენ მოდელს, რომლის მიხედვითაც, პროპორციული სისტემა, სადაც ხდება პერსონიფიცირება ნახევარი მანდატების შემთხვევაში, ნიშნავს შერეულ სისტემას. ასეთი მოთხოვნებით მათ თავად ჩაიყენებს ჩიხურ სიტუაციაში თავი და კუთხეში დადგნენ თავად. ისინი ლაპარაკობენ ხალხის სახელით და მაშინ, როდესაც აკაკი ზოიძის ინიციატივას, მოჰყვა აბსოლუტური პანიკა მათ გუნდში. პრინციპი, ხალხს შევეკითხოთ, მათთვის მისაღები არ არის.

ასევე მინდა შევეხო ერთ თემას - ამ დღეებში, პოლიციის მოქმედებებში გამოჩნდა, რომ ერთდროულად შეიძლება იყო ძლიერი და ამავდროულად შეიძლება იყო ჰუმანური. ეს პრინციპი დანერგა ქართულმა პოლიციამ თავიანთი მოქმედებებით. გარდა ამისა, მინდა კიდევ შევეხო ერთ თემას, რომელიც ალბათ ახლოს არის ყველა დეპუტატთან - მადლობა მინდა გადავუხადო ყველა ჟურნალისტს, ოპერატორს, რომლებიც დღე და ღამეს ასწორებენ იმისათვის, რომ ინფორმაცია გადასცენ საზოგადოებას“, - განაცხადა მდინარაძემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის