პარლამენტთან მიმდინარე აქციის დაშლისას ადმინისტრაციული წესით დაკავებულებიდან 3 პირის სასამართლო პროცესი დღეს გაიმართება.

დღევანდელ სასამართლო სხდომაზე მოსამართლე დაკავებულების მიმართ ადმინისტრაციული სახდელის დადებაზე იმსჯელებს.

ცნობისთვის, პარლამენტის შენობასთან მიმდინარე აქციის დროს, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის სულ 28 პირი დააკავეს. მათგან უმეტესობა ხელწერილის საფუძველზე გაათავისუფლეს.