ნატო-ს გენერალური მდივნის, იენს სტოლტენბერგის თქმით, ნატო-ს ლონდონის სამიტზე რუსეთის ქმედებების წინააღმდეგ ერთობლივ მიდგომას განიხილავენ.

„ჩვენ ვთანხმდებით, რომ ნატო არის ევროპული უსაფრთხოების ერთადერთი გარანტია. ჩვენი ძალები ახდენენ კონფლიქტის თავიდან აცილებას და იცავენ მშვიდობას. ჩვენ დავამტკიცებთ, რომ ნატო არის მომავალზე მორგებული ალიანსი. ჩვენ განვიხილათ ჩვენს ერთობას, ერთობლივ მიდგომას რუსეთთან მიმართებაში“,- განაცხადა სტოლტენბერგმა.

მისივე თქმით, სამიტზე ჩინეთის საკითხსა და ახალი ტექნოლოგიების თემებსაც განიხილავენ.

„ჩრდილოეთ ამერიკა და ევროპა უზრუნველყოფენ ალიანსის უსაფრთხოებას. ისინი ნათლად წარმოაჩენენ მრავალმხრივობის ძალას. ეს არის მრავალი ქვეყნის ერთობლივი მუშაობა ერთი საერთო მიზნისთვის“,- განაცხადა სტოლტენბერგმა.

ნატო-ს ლონდონის სამიტი 3-4 დეკემბერს, ბრიტანეთის დედაქალაქში გაიმართება.