ირაკლი კობახიძე - დავით ბაქრაძეს ეპატიება, მაგრამ იურისტებს არ ეპატიებათ იმის არცოდნა, რომ „გერმანული მოდელი“ საქართველოს კონსტიტუციას ეწინააღმდეგება

შეგვიძლია ერთად დავსხდეთ და სათითაოდ, არგუმენტირებულად ავუხსნათ ოპოზიციას, სად არის წინააღმდეგობა „გერმანულ მოდელსა“ და საქართველოს კონსტიტუციას შორის, - ამის შესახებ პარლამენტის ყოფილმა თავმჯდომარემ, ირაკლი კობახიძემ მედიას განუცხადა, რითაც გამოეხმაურა „ევროპული საქართველოს“ ერთ-ერთი ლიდერის, დავით ბაქრაძის განცხადებას, რომ თუ ხელისუფლება "გერმანულ მოდელს" დათანხმდება, დეკემბრის ბოლომდე ქვეყანას სამართლიანი საარჩევნო სისტემა ექნება და აქციები შეწყდება.

კობახიძის თქმით, ბაქრაძეს „გერმანულ მოდელზე“ საუბარი ეპატიება, თუმცა „უმარტივესი კაზუსია“, რომ „გერმანული მოდელი“ საქართველოს კონსტიტუციასთან წინააღმდეგობაში მოდის.

„ბაქრაძეს ეპატიება იმიტომ, რომ იურისტი არ არის. რაც შეეხება იურისტებს, მათ არ ეპატიებათ იმის არცოდნა, რომ „გერმანული მოდელი“ საქართველოს კონსტიტუციას ეწინააღმდეგება. შეგვიძლია ერთად დავსხდეთ და სათითაოდ, არგუმენტირებულად ავუხსნათ ოპოზიციას, სად არის წინააღმდეგობა „გერმანულ მოდელსა“ და საქართველოს კონსტიტუციას შორის. კიდევ ერთხელ გავიმეორებ, ეს არ არის რთული კაზუსი, ეს არის უმარტივესი კაზუსი, რომელიც პირველი კურსის პირველ ლექციაზე შეიძლება ამოიხსნას სტუდენტის მიერ. შესაბამისად, ძალიან მარტივად დავსხდებით და ამაზე შეგვიძლია ვისაუბროთ“, - განაცხადა ირაკლი კობახიძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია