სასამართლოში "ერთიანი ნაციონალური მოძრაობის" პოლიტსაბჭოს დაკავებული წევრის, ბესიკ გაზდელიანის პროცესი მიმდინარეობს.
ბესიკ გაზდელიანი გუშინ, ბარათაშვილის ხიდის მიმდებარე ტერიტორიაზე ადმინისტრაციული სამართალდარღვევისთვის იმ დროს დააკავეს, როცა აქციის მონაწილეებთან მანქანით რამდენიმე პირთან ერთად შეშა მიჰქონდა.
ბესიკ გაზდელიანი სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის დააკავეს.