პარლამენტმა საპარლამენტო თანამდებობებზე წარდგენილი კანდიდატების ნაწილი დაამტკიცა

საქართველოს პარლამენტმა საპარლამენტო თანამდებობებზე წარდგენილი კანდიდატების ნაწილი დაამტკიცა.

პარლამენტის პირველი ვიცე-სპიკერი 81 ხმით არც ერთის წინააღმდეგ გია ვოლსკი გახდა.

კენჭისყრის შედეგად ვიცე-სპიკერები გახდნენ ასევე მამუკა მდინარაძე (80 ხმით, არც ერთის წინააღმდეგ) და გიორგი კახიანი (81 ხმით, არც ერთის წინააღმდეგ). როგორც პარლამენტის თავმჯდომარემ, არჩილ თალაკვაძემ განაცხადა, კახა კუჭავას კანდიდატურას კენჭს ხვალ უყრიან.

ევროინტეგრაციის კომიტეტის ხელმძღვანელად, პარლამენტმა დავით სონღულაშვილი 80 ხმით არც ერთის წინააღმდეგ დაამტკიცა, საგარეო ურთიერთობათა კომიტეტის თავმჯდომარედ ირაკლი ბერაია 80 ხმით არც ერთის წინააღმდეგ აირჩიეს.

განათლების კომიტეტის თავმჯდომარე გენადი მარგველაშვილი გახდა ასევე, 80 ხმით არც ერთის წინააღმდეგ.

გარემოს დაცვის კომიტეტის და საპროცედურო საკითხთა კომიტეტის თავმჯდომარეობის კანდიდატებს პარლამენტი კენჭს ხვალ უყრის.

ამასთან, პარლამენტმა ცნობად მიიღო საქართველოს პარლამენტის თავმჯდომარის პირველი მოადგილის თამარ ჩუგოშვილის, ვიცე-სპიკერის ზვიად ძიძიგურის, განათლების, კულტურისა და მეცნიერების კომიტეტის თავმჯდომარის მარიამ ჯაშის, ევროინტეგრაციის კომიტეტის თავმჯდომარის თამარ ხულორდავას, საგარეო ურთიერთობათა კომიტეტის თავმჯდომარის სოფიო ქაცარავას განცხადებები თანამდებობიდან გადადგომის შესახებ.

შეგახსენებთ, პარლამენტის სხდომა ოპოზიციის გარეშე მიმდინარეობს. სხდომას არ ესწრებიან ასევე დამოუკიდებელი დეპუტატები, რომლებმაც სესია პოლიტიკური განცხადებების გაკეთების შემდეგ დატოვეს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ