ვახტანგ მახარობლიშვილმა ლატვიელ ხალხს დამოუკიდებლობის დღე მიულოცა

საქართველოს საგარეო საქმეთა მინისტრის პირველმა მოადგილემ, ვახტანგ მახარობლიშვილმა ლატვიის რესპუბლიკის დაფუძნების 101-ე წლისთავისა და ლატვიის არმიის ფორმირების 100 წლის იუბილისადმი მიძღვნილ ღონისძიებაში მიიღო მონაწილეობა. ამის შესახებ „ინტერპრესნიუსს“ საქართველოს საგარეო საქმეთა სამინისტროდან აცნობეს.

უწყების ინფორმაციით, ვახტანგ მახარობლიშვილმა მიღებაზე მიწვეულ სტუმრებს სიტყვით მიმართა. მან საქართველოს მთავრობის სახელით ლატვიელ ხალხსა და მთავრობას ეროვნული დღესასწაული მიულოცა.

სიტყვით გამოსვლისას, მინისტრის პირველმა მოადგილემ ხაზი გაუსვა ორ ქვეყანას შორის არსებულ მეგობრულ და მჭიდრო ურთიერთობებს.

ამასთან, ვახტანგ მახარობლიშვილმა ხაზგასმით აღნიშნა ლატვიის არმიის უდიდესი წვლილი სახელმწიფოს დამოუკიდებლობისა და თავისუფლების დაცვაში.

მინისტრის პირველმა მოადგილემ ხაზი გაუსვა 2019 წლის მნიშვნელობას ლატვიის ისტორიაში, რადგან სწორედ წელს აღინიშნება მე-15 წლისთავი ლატვიის რესპუბლიკის ევროკავშირსა და ნატოში გაწევრიანებიდან. მინისტრის პირველმა მოადგილემ დასძინა, რომ ეს არის ძალიან ღირებული გამოცდილება საქართველოსთვის, ქვეყნისთვის, რომლისთვისაც ევროპული და ევრო-ატლანტიკური ინტეგრაცია ერთ-ერთი მთავარი პრიორიტეტია. ვახტანგ მახარობლიშვილმა ასევე ყურადღება გაამახვილა ორ ქვეყანას შორის არსებულ წარმატებულ თანამშრომლობაზე. „ჩვენ ბედნიერნი ვართ, რომ ჩვენი მეგობრობა, რომელიც ემყარება საერთო ღირებულებებს, ინტერესებსა და ურთიერთპატივისცემას, წლების მანძილზე ვითარდებოდა და ჩამოაყალიბა მტკიცე საფუძველი შემდგომი ნაყოფიერი ურთიერთობისთვის. ჩვენი თანამშრომლობა ისეთ სფეროებში, როგორიცაა, თავდაცვა, ეკონომიკა და განათლება, ისევე როგორც კულტურა და ხალხთა შორისი კავშირები, არის ნამდვილად სამაგალითო. ჩვენ გვიხარია, რომ ლატვიელი ტურისტებისა და სტუდენტების რაოდენობა იმატებს საქართველოში“, - აღნიშნა მახარობლიშვილმა. მინისტრის პირველმა მოადგილემ გამოთქვა იმედი, რომ ორ ქვეყანას შორის ურთიერთობები კიდევ უფრო გაღრმავდება.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო