ალბანეთში მიწისძვრის მსხვერპლთა რიცხვი 21-მდე გაიზარდა

ალბანეთში მომხდარი მიწისძვრის შედეგად დაღუპულთა რაოდენობა 21-მდე გაიზარდა, დაშავებულია 600-ზე მეტი ადამიანი, - ამის შესახებ ინფორმაციას „ევრონიუსი“ ქვეყნის თავდაცვის სამინისტროზე დაყრდნობით ავრცელებს.

გამოცემის ცნობით, ქვეყანაში 27 ნოემბერი გლოვის დღედ გამოცხადდა.

იმ მოქალაქეებმა, რომლებსაც სახლები დაენგრათ, ღამე სპორტულ მოედნებსა და სტადიონებზე გაშლილ 300-მდე კარავში გაათენეს.

ქვეყნის თავდაცვის სამინისტრო აცხადებს, რომ სამძებრო-სამაშველო ოპერაციაში მთელი ქვეყანაა ჩართული, მათ შორის 2000 ჯარისკაცი და 1900 პოლიციელი.

სამინისტროს ინფორმაციით, ალბანეთს დახმარებას უწევენ საგანგებო სიტუაციის სპეციალისტები იტალიიდან, საბერძნეთიდან, საფრანგეთიდან, თურქეთიდან, ხორვატიიდან, კოსოვოდან, მონტენეგროსა და რუმინეთიდან. შეერთებული შტატები კი ქვეყანას რეგიონალური ოფისის საშუალებით ეხმარება.

შეგახსენებთ, გუშინ ალბანეთში 6,4-მაგნიტუდის სიმძლავრის მიწისძვრა მოხდა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს