კონგოს დემოკრატიული რესპუბლიკის დედაქალაქში მძიმე წვიმისა და მეწყერის შედეგად სულ მცირე 41 ადამიანი დაიღუპა. ინფორმაციას კინშასას ვიცე-გუბერნატორი, ნერონ მბუნგუ ავრცელებს. მისი თქმით, დაღუპულთა შორისაა ერთი ბავშვი.
„300 სახლზე მეტი დაიტბორა. ბევრი სახლი საერთოდ დაინგრა“, -აცხადებენ ქალაქის მერიაში.
კონგოს დემოკრატიული რესპუბლიკის დედაქალაქში წყალდიდობა და მეწყერი იანვარშიც მოხდა, როდესაც ბუნებრივ კატასტროფას 50 ადამიანი ემსხვერპლა. ექსპერტების თქმით, ქალაქს რომ ნორმალური განაშენიანება ჰქონდეს, მსგავს კატასტროფული შედეგები არ დადგებოდა.