„განვითარებული მოვლენების ფონზე, ყოველ დღე ვრწმუნდები იმ გადაწყვეტილების სისწორეში, რომელიც კონსტიტუციური კანონის პროექტის კენჭისყრაზე მივიღე", - ამის შესახებ საპარლამენტო უმრავლესობის წევრმა ირაკლი (დაჩი) ბერაიამ ჟურნალისტებს განუცხადა.

მისი თქმით, "ნაციონალურმა მოძრაობამ" ვერ შეძლო რევოლუციური სურათის შექმნა და პროცესების ქუჩაში გადატანა.

"ნაციონალურმა მოძრაობამ" არაერთი მცდელობის მიუხედავად, ვერ შეძლო ქვეყანაში რევოლუციური სურათის შექმნა, მათ ვერ მოახერხეს პროცესების პარლამენტიდან ქუჩაში გადატანა. საზოგადოებამ „ნაციონალურ მოძრაობას" არჩევნებზე არაერთხელ უთხრა უარი.

ახლა მათი მცდელობაა, რომ 10-კაციანი და 20-კაციანი ჯგუფებით ქვეყანაში შექმნან ილუზია, თითქოს რაღაც სასწაული ხდება. განვითარებული მოვლენების ფონზე, ყოველ დღე ვრწმუნდები იმ გადაწყვეტილების სისწორეში, რომელიც მივიღე პროპორციულ საარჩევნო სისტემაზე გადასვლის თაობაზე კანონპროექტის კენჭისყრისას," - განაცხადა დაჩი ბერაიამ.