მთავრობის ადმინისტრაციის მიმდებარე ტერიტორიიდან, ორბელიანის ქუჩიდან, აქტივისტები, რომლებიც ქუჩაზე ისხდნენ და პროტესტს ასე გამოხატავდნენ, სამართალდამცავებმა ძალის გამოყენებით გაიყვანეს.
სამართალდამცავებსა და აქტივისტებს შორის ფიზიკური დაპირისპირებაც მოხდა.
„არავინ არ ძალადობს მათზე, უნდა დაემორჩილონ პოლიციელის კანონიერ მოთხოვნას,“ - აცხადებენ სამართალდამცავები.
მთავრობის ადმინისტრაციიდან გამოსული ავტომობილი აქტივისტებმა შეძახილებით გააცილეს და მათ მანქანაზე სტიკერის „შეცვალე“ დაკვრაც სცადეს.