პარლამენტის შენობასთან, ჭიჭინაძის ქუჩაზე, სადაც საკანონმდებლო ორგანოში შესასვლელ ჭიშკარს სამართალდამცავები იცავენ, მოძრაობა „გაბედეს“ წევრებმა ასფალტზე „გაბედე“ დაწერეს.
აქტივისტებმა სამართალდამცავებს მოუწოდეს, რომ გაბედონ და დაუპირისპირდნენ ბიძინა ივანიშვილის რეჟიმს.
„ ჩვენ, ახალგაზრდებმა გავბედეთ და დავუპირისპირდით მახინჯ რეჟიმს. ადრე თუ გვიან დადგება დრო, როდესაც თქვენც დაუპირისპირდებით ბიძინა ივანიშვილს და მის გუნდს. გირჩევთ, რაც შეიძლება მალე მოხდეს ეს. დადექით ხალხის გვერდით. თქვენ არ ხართ მხოლოდ ხელისუფლების უსაფრთხოების დამცველები“,- მიმართეს მოძრაობა „გაბედეს“ წევრებმა სამართალდამცავებს.