პარლამენტის უკანა შესასვლელთან ხელოვნურად აღმართულ რკინის ჯებირებზე „ევროპული საქართველოს" აქტივისტებმა სტიკერები გააკრეს წარწერით „ქვეყნის სამსახურში".

ამასთან, როგორც „ევროპული საქართველოს" ერთ-ერთმა ლიდერმა, გიგა ბოკერიამ ჟურნალისტებს განუცხადა, ოპოზიციის წევრები რამდენიმე წუთში განცხადებას გააკეთებენ.

პარლამენტის ყველა შესასვლელთან არიან აქციის მონაწილეები, ადგილზე მობილიზებულია საპატრულო პოლიცია.