ირაკლი ღარიბაშვილი - ჩვენ ვაშენებთ ევროპულ საპარლამენტო რესპუბლიკას და არა ავტორიტარულ მმართველობას, როგორც ეს იყო სააკაშვილის დროს

ჩვენ ვთანხმდებით იმაზე, რომ ვაშენებთ თანამედროვე, ევროპულ საპარლამენტო რესპუბლიკას და არა ერთპიროვნულ, ავტორიტარულ მმართველობას, ისეთს, როგორიც იყო სულ რამდენიმე წლის წინ, სააკაშვილის მმართველობის დროს, - ამის შესახებ თავდაცვის მინისტრმა, ირაკლი ღარიბაშვილმა მთავრობის სხდომის დასრულების შემდეგ ჟურნალისტებს განუცხადა.

რაც შეეხება პროპორციულ სისტემაზე გადასვლას, ღარიბაშვილის თქმით, საქართველოს მთავრობამ და პარტიამ ეს გადაწყვეტილება ჯერ კიდევ 2017 წელს მიიღო, რომ ქვეყანა, ერთხელ და სამუდამოდ, დაამთავრებდა შერეული სისტემით არჩევნების ჩატარებას და სრულად გადავიდოდა პროპორციულ სისტემაზე 2024 წელს.

„2017 წელს, მოგეხსენებათ, რომ ისევ მათი დესტრუქციული ბუნებიდან გამომდინარე, ასე ვთქვათ, მთავარმა დესტრუქციულმა ძალამ არ მოისურვა თანამშრომლობა მმართველი პარტიის კეთილ ნებასთან და მათ გაცხადებულ შემოთავაზებასთან, რომ მათ მიეღოთ მონაწილეობა კონსტიტუციურ ცვლილებებში და მხარი დაეჭირათ ჩვენთვის ჯერ კიდევ 2017 წელს. ეს მოგვცემდა შესაძლებლობას, რომ პროპორციულ სისტემაზე გადავსულიყავით 2020 წელს. როგორც განვითარდა მოვლენები ივნისის თვეში ჩვენ ყველამ ვნახეთ, ეს იყო კეთილი ნების გამოხატულება და ეს იყო იდეა და სურვილი პარტიის თავმჯდომარის, რომ ქვეყანა გადასულიყო პროპორციულ სისტემაზე არა 2024, არამედ 2020 წელს. სამწუხაროდ, იქიდან გამომდინარე, რომ სწორედ ამ რადიკალური ოპოზიციური პარტიების წარმომადგენლების გაუთავებელი შეურაცხყოფებისა და მართლაც ზღვარგადასული უკულტურობისა და ყოველგვარი ჩარჩოებს გაცდენილი ქმედებებისა, რა თქმა უნდა, ჩვენი მაჟორიტარების დიდი ნაწილის აღშფოთება გამოიწვია ამ ყველაფერმა ერთად, ამას დაემატა ისიც, რომ ისინი ობიექტურად მხარს არ უჭერდნენ ამ ინიციატივის განხორციელებას 2020 წელს და ეს ინიციატივა უბრალოდ არ გავიდა“, - განაცხადა ღარიბაშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა