ირაკლი კობახიძე - აქეთ დგას პასუხისმგებლიანი ხელისუფლება და იქით დგას უპასუხისმგებლო ოპოზიცია, ეს არის დღევანდელი სურათი

აქეთ დგას პასუხისმგებლიანი ხელისუფლება და იქით დგას უპასუხისმგებლო ოპოზიცია, ეს არის დღევანდელი სურათი, - ამის შესახებ პარლამენტის ყოფილმა თავმჯდომარემ, ირაკლი კობახიძემ ჟურნალისტებთან საუბრისას განაცხადა.

მისი თქმით, ხელისუფლება გრძნობს თავის პასუხისმგებლობას და სწორედ ამიტომ, დღეს უზრუნველყოფილია პარლამენტის სათანადო მუშაობა.

ჟურნალისტის შეკითხვაზე, როგორია მისი შეფასება „რესპუბლიკური პარტიის“ ინიციატივასთან დაკავშირებით, გაუქმდეს სახელმწიფოსა და საპატრიარქოს შორის კონსტიტუციური შეთანხმება - კონკორდატი, კობახიძემ განაცხადა, რომ ეს არის ეკლესიის მიმართ ღიად დაფიქსირებული მტრული დამოკიდებულება.

„ეს არის აბსოლუტურად წარმოუდგენელი. გაიხსენეთ მათი რიტორიკა და ლექსიკა, ეკლესიის და პატრიარქის მიმართ, თუნდაც დავით ბერძენიშვილის და სხვა ლიდერების განცხადებები, ეს არის აბსოლუტურად მიუღებელი. ისინი პირდაპირ უპირისპირდებიან ეროვნულ იდენტობას. მათ სძულთ ჩვენი ეროვნული იდენტობა“, - განაცხადა კობახიძემ.

ირაკლი კობახიძე ასევე გამოეხმაურა ბიძინა ივანიშვილის გუშინდელ ინტერვიუს და აღნიშნა, რომ ეს იყო ჩვენს ქვეყანაში არსებული სურათის ზუსტი წამორჩენა.

„ეს სურათი აბსოლუტურად ზუსტად იყო წარმოჩენილი და სწორედ ამიტომ ვისმენდით ჩვენ მთელი დღის განმავლობაში, გუშინ საღამოდან და დღეს დილითაც, „ნაცმოძრაობის“ წარმომადგენლების ნერვიულ კომენტარებს. მათ ჩაიხედეს სარკეში, აი, ეს იყო ბიძინა ივანიშვილის ინტერვიუ “,- აღნიშნა კობახიძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა