„ამის გაძლება არის შეუძლებელი, ვერანაირი მთავრობა ამას ვერ გაუძლებს, ამათი ამბავი დამთავრებულია, მიუხედავად იმისა, რამდენ პოლიციელს გამოიყვანენ“,- ამის შესახებ „გირჩის“ ლიდერმა ზურა ჯაფარიძემ ჟურნალისტებს განუცხადა.
მისი თქმით, დღევანდელი დღის მიზანი მიღწეულია.
„ამ ინსტიტუტმა არც ერთ შემთხვევაში არ უნდა გააგრძელოს ნორმალურ მდგომარეობაში ფუნქცინირება. ერთადერთი შანსი, რომ ისინი შიგნით შევიდნენ და რაღაცაზე ილაპარაკონ, რასაც შინაარსი არ გააჩნია, არის მხოლოდ და მხოლოდ ასეთ მდგომარეობაში, როდესაც ხელისუფლება ჩაკეტილია საკუთარი ხალხისგან ან ყვითელი ავტობუსებით, ან რკინის ჯებირებით, ან პოლიციის მსხვილი და განიერი კორდონებით. ეს არის სწორი, ამის გაძლება შეუძლებელია, ვერანაირი მთავრობა ამას ვერ გაუძლებს, ამათი ამბავი დამთავრებულია, მიუხედავად იმისა, რამდენი პოლიციელიც არ უნდა გამოიყვანონ“, - განაცხადა ჯაფარიძემ.
ცნობისთვის, პარლამენტთან, აქციის მონაწილეების მხრიდან პიკეტირება დასრულდა, თუმცა, როგორც აქციის მონაწილეებმა განაცხადეს, პროტესტი მომდევნო დღეებშიც გაგრძელდება.