ივანე მაჭავარიანი - თუ პროპორციული არჩევნების მოთხოვნა საზოგადოების დიდი ნაწილის მოთხოვნა იყო, მაშინ ეს საზოგადოება საარჩევნო ყუთთან მოვა და პასუხს გასცემს

თუ პროპორციული არჩევნების მოთხოვნა საზოგადოების დიდი ნაწილის მოთხოვნა იყო, მაშინ ეს საზოგადოება საარჩევნო ყუთთან მოვა და პასუხს გასცემს, - განაცხადა ფინანსთა მინისტრმა ივანე მაჭავარიანმა.

მინისტრმა ასევე უპასუხა კითხვას, მიმდინარე პროცესებთან დაკავშირებით, მთავრობა პასუხისმგებლობას გრძნობს თუ არა.

„კი ბატონო, გრძნობს, როგორ არ გრძნობს? ნაწილმა დატოვა კიდეც უმრავლესობა. ნაწილი დარჩა, მაგრამ შეწუხებულია“,- განაცხადა მინისტრმა ჟურნალისტის კითხვის საპასუხოდ.

მაჭავარიანის თქმით, პირობა, რომ არ შესრულდა თუ ასეთი რეპუტაციული სიმძიმის მატარებელია და ესაა ქვეყნის დაქცევა, ამას საზოგადოება პასუხს არჩევნებზე გასცემს.

„ქვეყნის არევა და პროტესტი, რომელიც ზღვარს გადადის, მაშინაა შესაძლებელი, როდესაც ხელისუფლება უკანონობას ჩადის. ტყუილია, რომ ცალსახად, ქვეყნის მომავლისთვის, პროპორციული სისტემა ჯობია ნულოვანი ბარიერით. ეს იყო პოლიტიკური კომპრომისისთვის გადადგმული ნაბიჯი და არა იმისთვის, რომ ქვეყნის მმართველობის უკეთესი მოდელია. ეს იყო დაპირება, მაგრამ არანაირად არ ნიშნავს, რომ არსებული მოდელი უკანონო, არაკონსტიტუციური ან უვარგისია.

ნახეთ, ალბათ, ბიძინა ივანიშვილს გუშინდელი ინტერვიუ, ერთი მომენტია, რომელსაც მინდა ხაზი გავუსვა და ამ ნაწილს სცემს პასუხს, თუ პროპორციული არჩევნების მოთხოვნა იყო საზოგადოების დიდი ნაწილის მოთხოვნა და მათ მიაჩნიათ, რომ ესაა სწორი მოდელი, მაშინ ეს საზოგადოება მოვა საარჩევნო ყუთთან და პასუხს გასცემს. ხოლო თუ ეს მხოლოდ იმ პატარა გუნდისთვისაა სასიცოცხლოდ მნიშვნელოვანი, რომელიც ქუჩაშია, მაშინ დარჩება მათთვის სასიცოცხლოდ მნიშვნელოვანი“,-აცხადებს მაჭავარიანი.

მისივე თქმით, ნებისმიერი სახის პროტესტი, თუ ეს პროტესტი არის დროში გაწელილი ან მასშტაბური, ასე თუ ისე ნეგატიურ ელფერს სძენს ეკონომიკურ პროცესებს.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო