BAG-ის წევრთა რიგებს „ევორდ ჰოლდინგი“ შეუერთდა

საქართველოს ბიზნეს ასოციაციის (BAG) წევრთა რიგებს კიდევ ერთი ახალი წევრი კომპანია „ევორდ ჰოლდინგის“ სახით შეუერთდა.

როგორც „ინტერპრესნიუსს“ საქართველოს ბიზნეს ასოციაციიდან აცნობეს, შპს „ევორდ ჰოლდინგი“ სხვადასხვა ბიზნეს სეგმენტის მქონე კომპანიების გაერთიანებას წარმოადგენს, თუმცა განსაკუთრებული მნიშვნელობა ენიჭება სამშენებლო მიმართულებას.

კომპანიის ხელმძღვანელობის განცხადებით, მათი მიზანია კომპანიის ჰარმონიული ზრდა კორპორატიული სოციალური პასუხისმგებლობის მაღალი სტანდარტების გათვალისწინებით. მათი აზრით, კომპანიას სტაბილურ და მდგრად განვითარებას ხელს შეუწყობს საქართველოს ბიზნეს ასოციაციის წევრობა.

„მივესალმებით ახალ წევრს, მოხარული ვართ, რომ არჩევანი სწორედ BAG-ზე გაკეთდა, რადგან ეს არის საქართველოში ყველაზე მსხვილი ბიზნესასოციაცია, რომელიც უზრუნველყოფს საკუთარი წევრების ინტერესების აქტიურ და ეფექტიან დაცვას. ჩვენ მზად ვართ, ყველა დონეზე ვისაუბროთ ჩვენი წევრების ინტერესებსა და საჭიროებებზე“, - განაცხადა ასოციაციის გენერალურმა დირექტორმა ლევან ვეფხვაძემ.

შეგახსენებთ, რომ შპს „ევორდ ჰოლდინგის“ ქვეშ ერთიანდება სამშენებლო მომსახურებისა და წარმოების კომპანიები: შპს სამშენებლო კომპანია მამისონი, შპს AWARD, შპს ევორდ ფექტორი, შპს ევორდ დრილინგი და შპს ევორდ ტრანსპორტი.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში