ევროსაბჭოს საპარლამენტო ასამბლეის პრეზიდენტმა საქართველოს მხარდაჭერა აღუთქვა თავმჯდომარეობის პრიორიტეტების განხორციელებაში

საქართველოს საგარეო საქმეთა მინისტრმა, დავით ზალკალიანმა ევროპის საბჭოს საპარლამენტო ასამბლეის პრეზიდენტთან, ლილიან მორი პასკიესთან შეხვედრა გამართა.

როგორც „ინტერპრესნიუსს“ საქართველოს საგარეო საქმეთა სამინისტროდან აცნობეს, ევროსაბჭოს საპარლამენტო ასამბლეის პრეზიდენტმა ქართულ მხარეს მინისტრთა კომიტეტის თავმჯდომარეობა მიულოცა და წარმატება უსურვა მომავალ საქმიანობაში.

შეხვედრაზე ხაზი გაუსვეს ევროპის საბჭოს წინაშე მდგარი გამოწვევების დაძლევასა და ორგანიზაციის პრინციპებისა და ღირებულებების ეფექტურ რეალიზებაში საპარლამენტო ასამბლეასთან მჭიდრო თანამშრომლობისა და ჩართულობის მნიშვნელობას.

საქართველოს საგარეო საქმეთა მინისტრმა საპარლამენტო ასამბლეის პრეზიდენტს გააცნო საქართველოს თავმჯდომარეობის პრიორიტეტები -ადამიანის უფლებები და გარემოს დაცვა, გადაწყვეტილების მიღების პროცესში სამოქალაქო ჩართულობა, ბავშვზე ორიენტირებული მართლმსაჯულება - აღდგენითი მართლმსაჯულების ევროპული გამოცდილება, დემოკრატიის გაძლიერება განათლების, კულტურისა და ახალგაზრდობის ჩართულობით. აღინიშნა, რომ მოცემული პრიორიტეტები აქტუალურია და ეხმიანება არა მხოლოდ ევროპის საბჭოს, არამედ ზოგადად, ევროპის კონტინენტზე არსებულ გამოწვევებს. მხარეებმა ასევე ისაუბრეს იმ ერთობლივ ღონისძიებებზე, რომლებიც საქართველოს თავმჯდომარეობის პერიოდშია დაგეგმილი. ასამბლეის პრეზიდენტმა მხარდაჭერა აღუთქვა საქართველოს ყველა იმ პრიორიტეტის განხორციელებაში, რაც ქვეყანამ წარადგინა.

შეხვედრაზე საუბარი ასევე შეეხო ეროვნულ დონეზე საქართველოს წარმატებულ თანამშრომლობას ევროპის საბჭოს საპარლამენტო ასაბლეასთან.

უწყების ცნობით, შეხვედრაზე საქართველოს საგარეო უწყების ხელმძღვანელმა ყურადღება გაამახვილა საქართველოს ოკუპირებულ რეგიონებში შექმნილ მდგომარეობაზე, მათ შორის, ისაუბრა ექიმ ვაჟა გაფრინდაშვილის უკანონო დაკავების ფაქტზე; ხაზი გაესვა მსგავსი ფაქტების მიუღებლობას და საერთაშორისო თანამეგობრობის მწვავე რეაქციის აუცილებლობას.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში