პრეზიდენტის ადმინისტრაცია - ვოლოდიმირ ზელენსკის ვიზიტი საქართველოში დაგეგმილი არ ყოფილა - სალომე ზურაბიშვილის ვიზიტი უკრაინაში 2020 წლისთვის გადაიდო
საქართველოს პრეზიდენტის ადმინისტრაცია ეხმაურება უკრაინის პრეზიდენტის, ვოლოდიმირ ზელენსკის საქართველოში ვიზიტთან დაკავშირებით გავრცელებულ ინფორმაციას. ადმინისტრაცია აცხადებს, რომ უკრაინის პრეზიდენტის ვიზიტი საქართველოში დაგეგმილი არ ყოფილა.
„მიმდინარე წლის ნოემბერში იგეგმებოდა საქართველოს პრეზიდენტის, სალომე ზურაბიშვილის ვიზიტი კიევში, თუცმა უკრაინაში მიმდინარე პროცესების გამო, უკრაინის მხარის თხოვნით, ვიზიტი 2020 წლისთვის გადაიდო“, - აღნიშნულია განცხადებაში.
