ნატო-ს წევრი ქვეყნები ალიანსის ბიუჯეტის გადანაწილების ახალ სქემაზე შეთანხმდნენ, - ამის შესახებ ნატო-ს გენერალურმა მდივანმა იენს სტოლტენბერგმა პარიზში გამართულ პრესკონფერენცაზე განაცხადა.
მან დაადასტურა მედიაში გავრცელებული ინფორმაცია, რომლის თანახმადაც, აშშ-ის საწევრო გადასახადი მცირდება.
„ჩვენ უკვე შევთანხმდით ახალ ფორმულაზე. ამიერიდან აშშ ნაკლებს გადაიხდის, გერმანია კი მეტს. შედეგად, აღნიშნული ორი სახელმწიფო ალიანსის ბიუჯეტში თანაბარ თანხას შეიტანს“, - განაცხადა სტოლტენბერგმა.