ევროპარლამენტმა კლიმატის ცვლილების შესახებ რეზოლუცია მიიღო. ამ ინფორმაციას „ევრონიუსი“ ავრცელებს. რეზოლუციას მხარი 225-ის წინააღმდეგ 429 დეპუტატმა დაუჭირა.

ევროპის კლიმატის ცვლილების საწინააღმდეგო კავშირის დირექტორის, ვენდელ ტრიოს განცხადებით, ევროპარლამენტარებმა მნიშვნელოვანი გადაწყვეტილება მიიღეს, თუმცა ახლა მათ შესაბამისი ნაბიჯები უნდა გადადგან.

„ევროკავშირმა უნდა შეასრულოს დასახული გეგმა და ნახშირორჟანგის გამოყოფა 65%-ით შეამციროს. წინააღმდეგ შემთხვევაში კი, მოსახლოება მასშტაბური საპროტესტო აქციების გამართვას განაგრძობს“-,აცხადებს ის.

ამასთან, 27 ნოემბერს ევროკომისიის პრეზიდენტმა ურსულა ფონ დერ ლიაიენმა განაცხადა, რომ მომდევნო 5 წლის განმავლობაში კლიმატური ცვლილების შესაჩერებლად ევროკავშირის 3 ტრილიონ ევროს გამოყოფს.