ირაკლი კობახიძე - 28 პარტია რაღაც მემორანდუმებს აფორმებს - ის 28 პარტია, რომელიც საქართველოში ბუნებაში არ არსებობს

28 პარტია რაღაც მემორანდუმებს აფორმებს - ის 28 პარტია, რომელიც საქართველოში ბუნებაში არ არსებობს, - ამის შესახებ პარლამენტის ყოფილმა თავმჯდომარემ ირაკლი კობახიძემ „პალიტრანიუსის“ გადაცემაში „360 გრადუსი“ განაცხადა.

ირაკლი კობახიძემ საზოგადოების განწყობებზე ისაუბრა და აღნიშნა, რომ საქართველოში მოსახლეობა დესტრუქციული პროცესებით დაღლილია და ყველაფერი უნდა გაკეთდეს, რომ პოზიტიური დღის წესრიგი შეიქმნას. მისივე თქმით, „ქართული ოცნება“ ოპოზიციას მოლაპარაკებებს სთავაზობს, თუმცა ოპოზიციას სათქმელი არაფერი აქვს და დესტრუქციაზეა გადასული.

„საზოგადოება დაღლილია იმით, რაც სატელევიზიო ეთერებში ხდება, რაც ხდება ჩვენთან პოლიტიკურ სივრცეში. საზოგადოება დაღლილია მუდმივი აგრესიული დაპირისპირებით და დესტრუქციული პროცესების განვითარებით. ჩვენ ყველაფერი უნდა გავაკეთოთ, რომ ეს მოცემულობა შეიცვალოს და რაც მთავარია პოზიტიური დღის წესრიგი შეიქმნას. ნაცვლად იმისა, რომ იდგნენ 200 კაცით და თავისი აგრესიული, შეურაცხმყოფელი გზავნილებით გამოდიოდნენ, ოპოზიციას ვთავაზობთ იმას, რაც ხდება ნებისმიერ განვითარებულ ქვეყანაში, ნებისმიერ დემოკრატიულ სივრცეში, ვისაუბროთ, რა მოსწონთ და რა არ მოსწონთ განათლების, ჯანდაცვის, თავდაცვის სფეროში და ა.შ. იმის გამო, რომ სალაპარაკო არაფერი აქვთ, დესტრუქციაზე არიან გადასული და აგერ 28 პარტია რაღაც მემორანდუმებს აფორმებს, ის 28 პარტია, რომელიც საქართველოში ბუნებაში არ არსებობს“,-განაცხადა ირაკლი კობახიძემ.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო