მაშველებმა ალბანეთის ქალაქ დურესში საცხოვრებელი სახლის ნანგრევებიდან დედისა და მისი ორი წლის ტყუპი და 7 წლის ვაჟების ცხედრები ამოიყვანეს, - ამის შესახებ ინფორმაციას „როიტერსი“ ავრცელებს.

სააგენტოს ცნობით, ქვეყანაში მომხდარ მიწისძვრას აღნიშნული ოჯახის მხოლოდ ერთი წევრი, გარდაცვლილი ქალის მეუღლე გადაურჩა. მანამდე მაშველებმა კიდევ ერთი ბავშვი - 8 წლის გოგონა და 79 წლის ბებია გარდაცვლილები იპოვეს.

შეგახსენებთ, რომ ალბანეთში სამშაბათს 6,4 მაგნიტუდის სიმძლავრის მიწისძვრა მოხდა. ამ დროისთვის არსებული მონაცემებით, მიწისძვრას 46 ადამიანის სიცოცხლე შეეწირა.