მალიში მომხდარ ვერტმფრენის შეჯახებაზე პასუხისმგებლობა „ისლამურმა სახელმწიფომ“ აიღო, - ამის შესახებ ინფორმაციას „როიტერსი“ ავრცელებს.
სააგენტოს ცნობით, „ისლამურმა სახელმწიფომ“ განაცხადა, რომ ვერტმფრენების შეჯახება მას შემდეგ მოხდა, რაც ერთ-ერთმა მათგანმა „ისლამურმა სახელმწიფოს დასავლეთ აფრიკული განშტოების“ მებრძოლების მიერ გახსნილი ცეცხლის გამო უკან დაიხია.
შეგახსენებთ, რამდენიმე დღის წინ ორი ვერტმფრენის შეჯახების შედეგად მალიში 13 ფრანგი სამხედრო დაიღუპა. გავრცელებული ინფორმაციით, ინციდენტის დროს ჯარისკაცები ჯიჰადისტების წინააღმდეგ ოპერაციას ახორციელებდნენ.