აქციის მონაწილეებმა, რომლებიც პარლამენტის უკანა შესასვლელთან იყვნენ შეკრებილები, რუსთაველზე, პარლამენტის წინ გადაინაცვლეს.
როგორც "ერთიანი ნაციონალური მოძრაობის" პოლიტსაბჭოს წევრმა ზურაბ მელიქიშვილმა განაცხადა, მას შემხეგ, რაც ყველა ლოკაციაზე მყოფი აქციის მონაწილეები შეიკრიბებიან, საზოგადოებას სამოქმედო გეგმას გააცნობენ.
ინფორმაციისთვის, ოპოზიციის და სამოქალაქო მოძრაობების წარმომადგენლები პარლამენტის შენობის პიკეტირების მიზნით საკანონმდებლო ორგანოსთან 10:00 საათიდან შეიკრიბნენ, თუმცა უმრავლესობის თითქმის სრული შემადგენლობა უკვე პარლამენტში იმყოფებოდა. როგორც „ინტერპრესნიუსს“ პარლამენტის პრესსამსახურში განუცხადეს, 09:00 საათზე უმრავლესობის სხდომა იყო დანიშნული, თუმცა აღნიშნული მედიისთვის დაანონსებული არ ყოფილა.