ამერიკის შეერთებული შტატების პრეზიდენტის დონალდ ტრამპის ავღანეთში მოულოდნელი ვიზიტის შემდეგ, თალიბანი აცხადებს, რომ ისინი მზად არიან ხელახლა დაიწყონ მოლაპარაკებები ცეცხლის შეწყვეტის ხელშეკრულების შესახებ.

„თალიბანს“ სურს შეთანხმება და ჩვენც შევხვდებით“, - ამის შესახებ ამერიკის პრეზიდენტმა ჟურნალისტებს ქაბულში განუცხადა.

„თალიბანის“ ლიდერებმა მოლაპარაკებების განახლებაზე თანხმობა „როიტერსსაც“ დაუდასტურეს.

„თუ სამშვიდობო მოლაპარაკებები დაიწყება, ის უნდა აღდგეს იმ ეტაპიდან, რა ეტაპზეც შეწყდა“,-განაცხადა „თალიბანის“ წარმომადგენელმა ზაბიჰუმა მუჯაჰიდმა.

ავღანეთში, ამ დროისთვის ნატო-ს ათასობით ჯარისკაცთან ერთად, 13 000 ამერიკელი სამხედრო იმყოფება. ქვეყანაში 2001 წლიდან მოყოლებული, დაახლოებით 2 400 ამერიკელი ჯარისკაცი დაიღუპა.