გიგი უგულავა - ივანიშვილმა აირჩია ის გზა, როგორც დაამთავრა ასლან აბაშიძემ

ოთხშაბათს შეეშინდათ და გააუქმეს სხდომა, ხუთშაბათს არნახული კედლები ააშენეს ქალაქის ცენტრში, დღეს არაფერი მოულოდნელი არ ყოფილა, - ამის შესახებ ჟურნალისტებს „ევროპული საქართველოს“ ერთ-ერთმა ლიდერმა გიგი უგულავამ უმრავლესობის დეპუტატების პარლამენტში ადრიანად მისვლის შეფასებისას განუცხადა.

როგორც უგულავა ამბობს, ქალაქის ცენტრში კედლების აგებამ აჩვენა, რომ ბიძინა ივანიშვილსა და მის მთავრობას თავი არ აქვთ გამოსაყოფი, „საუკუნის მზაკვრობის“ შემდეგ.

„ჩვენ დისკომფორტის შექმნა არ გვინდა ჩვენი მოქალაქეებისთვის. როცა ხალხი ბევრი არ არის, არც ვკეტავთ გზას, მშვიდობიანად ვიცავთ კანონს. ჩვენ დისკომფორტს ვუქმნით იმ ადამიანებს, ვინც გვაჩვენებს, რომ ვითომ მუშაობს და სინამდვილეში იტყუება და არა ჩვენს მოქალაქეებს, რომელთა 70-75% პროპორციულ არჩევნებს უჭერს მხარს. ამავე დროს ჩვენ ვთავაზობთ კანონპროექტის სახით გამოსავალსაც, რომელსაც დღეს მოვაწერთ ხელს ყველა ოპოზიციური პარტია და ეუთო-ს, ოდირის ოფისში გავგზავნით, აქაც ჩვენ ვთავაზობთ 76 ხმიან გამოსავალს“, - განაცხადა უგულავამ.

როგორც უგულავა ამბობს, ივანიშვილი ან ჩაატარებს პროპორციულ არჩევნებს, ან ისე „აილეწება“ რომ საერთოდ მისი პოლიტიკური ხსენებაც კი აღარ იქნება საქართველოში.

„დაახლოებით ისე როგორც ასლან აბაშიძის შემთხვევაში მოხდა. თუ ვინმეს ჰგავს ეს ადამიანი არის ასლან აბაშიძე და ივანიშვილმა აირჩია ის გზა, როგორც დაამთავრა ასლან აბაშიძემ. ეს კანონპროექტი უმრავლესობასაც გავუგზავნეთ, ბატონ თალაკვაძესაც და ველოდებით. თემა დახურულია, მოსახლეობის 80% უჭერს იმ თემას მხარს, რომელიც კალაძემ დახურა. თუ დახურავ იმ თემას, რომელიც მოსახლებისთვის სასიცოცხლოა, ჩვენი მოქალაქეები დაგხურავენ შენ, უნდა იცოდეს ეს ბატონმა კალაძემ,“ - განაცხადა უგულავამ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო